Qazaxıstanın Almatı şəhərində etiraz aksiyası iştirakçıları şəhərin bələdiyyə binasına (Akimat) hücum ediblər.
Hücumda təqribən 3000 nəfər iştirak edir. Etirazçılar rezin dəyənəklə silahlanıblar.
Əraziyə təqribən 1500 polis əməkdaşı cəlb olunub. Polis iqamətgaha geri çəkilməli olub. Bu isə inzibati binadan 50 metr məsafədə yerləşir.
Hadisə yerində olan müxbirin sözlərinə görə, aksiya iştirakçıları bir neçə polisi döyüb, onların silahını, dəbilqə və qalxanlarını götürüblər.
Etirazçılar şəhər administrasiyasının binasına daxil olub. Binanın daxilində yanğın başlayıb. Yanğının binanın şərq hissəsində birinci mərtəbədə başladığı bildirilir.
Şəhər administrasiyasının əməkdaşları aksiya iştirakçılarının hücum cəhdindən əvvəl binadan çıxarılıb.
Baş verən hadisələrlə bağlı oliqarxlar bir-birinin ardınca özəl təyyarələrinə minib ölkəni tərk edir. “Flightradar” saytının qeydə aldığı uçuşlara əsasən bu gün səhər saatlarından etibarən Qazaxıstandan bir neçə biznes-jet havaya qalxıb. Onlar Alma-Ata və Nursultan şəhərlərindən havaya qalxaraq Rusiya və Avropa ölkələri istiqamətində uçublar. Məsələn, milyarder Fattoh Şodiyevin təyyarəsi Rusiyaya istiqamət alıb.
