Kazan Federal Universitetinin rektoru İlşat Qafurov barəsində 2 ay müddətinə həbs-qətimkan tədbiri seçilib.
Qərarı Moskvanın Basmannı məhkəməsi qəbul edib.
Bu barədə TASS-a məhkəmənin mətbuat xidmətindən məlumat verilib:
Məlumata görə, İ.Qafurov istintaqa muzdla adam öldürməyə təhrik maddələri üzrə təqsirləndirilən şəxs qismində cəlb edilib.
Qafurov bir neçə il əvvəl Tatarıstanda baş vermiş qətldə əli olmaqda şübhəli bilindiyi üçün Kazanda saxlanılıb. Rektorun regional mütəşəkkil cinayətkar qruplardan birinin fəaliyyətində əli olması güman edilir.