Deputat Aqil Abbas Gənclər və İdman Nazirliyinə müraciət edərək tələbə-inşaat dəstələrinin yenidən bərpa olunmasını təklif edib.
Hazırda azad olunmuş ərazilərdə quruculuq işlərinin aparıldığını xatırladan deputat Ağdamda da hazırda bu prosesin davam etdiyini, tələbə-inşaat dəstələri yenidən bərpa olunarsa, bunun 10 minə qədər işçi qüvvəsi demək olduğunu qeyd edib:
“Gənclər və İdman Nazirliyindən xahiş edirəm ki, bunu formalaşdırsın. Bu, könüllülük prinsipidir, amma tələbələr hamısı gedəcəklər. Bu, Qarabağ üçün çox vacibdir, işçi tapılmır. Verdikləri maaş da maaş da deyil. Tələbə isə 300-400 manata Qarabağda gedib işləyəcək. Necə ki, ölümə gənclər getdilər. Belə də pulsuz da işləyə bilərlər”.