Şəkilli yazı
Bu qız Vəfadır. Mənim “Vay-Fay” dediyim Vəfa Nağı. Yanındakı da milli Santa Klaus.
2010-larda “Obektiv tv” internet televiziyasından tanıdığım “pulemyot” aparıcı. Harda aş, orda baş repotryor. Çox davalarımız olub onda. Dava deyəndə, mən deyinmişəm, o da dediklərimi vecinə almadan küsüb . Barışmışıq.
Yazmağa tənbəl idi jurnalistlik edəndə. Çəkməyə, montaja, səsləndirməyə qoçaq. Ürəyi gedirdi aksiya çəkmək üçün. Baxış sayı yığmaq üçün. Pulun qədrini bilməyən qız. Ac, suyla yaşayan qız.
O çağlar ayrı imicdəydi. İndi qışda şortikini bricə, şalvara dəyişir. Saçını uzadıb bizimkilərə oxşayır. Onda da bir dəri, bir sümük idi, indi də. Janna dArka oxşayırdı onda.
Həə, prinsipə Neftçalanın Xolqaraqaşlı kənd bələdiyyəsinə üzv seçilib bələdiyyə sədri Əlibalanın başına od ələyib, susduran, adamın əlini-ayağını yığan həmin o qız.
Dilbaz qız. Yəni dil öyrənməyi sevən qız. Bir zamanlar gərəksiz dillər öyrənirdi. Bəlkə də onun üçün gərəkli oldu, mənim üçün gərəksiz o dillər, bilmirəm.
Vəfa burda oxudu, Türkiyədə oxudu, yetmədi, oxumağa Londona getdi. Indi də Londondan vurub Afrikadan çıxıb. Gəzməyə ölkə tapmayıb Tanzaniya gedib.
Yox, bu şəkildəki Vəfa deyil. Əlbəttə Vəfa deyil. Vəfa gəzir, görür, çəkir (şəkil)) ), göstərir, yazır, paylaşır, tanıdır, öyrədir. Bu sözlərin hamısı feildir. Feil hərəkətdir. Vəfa nitq hissəsi olsaydı mütləq feil olardı. Həmişə hərəkətdədir. Bəlkə ondan yaxşı isim də çıxardı. Sifət, əvəzlik heç olmazdı.
Oraları gəzə-gəzə buraları da unutmur,Tanzaniyadan Bakıya, Sumqayıta, Neftçalaya əli çatır. Yenə feministlərin sırasındadır. Hətta axrasındadır. DİN-ə dinclik vermir.
Hə, Vəfa oralarda kef eləsin (bəlkə də eləmir, əziyyət çəkir) mən də boş durmayım, onun tanıtım yazılarını, paylaşdığı fotoları bir yerə toplayım dedim. Belə bir şəkilli yazı alındı. Pis eləmədim ki?
P.S. Vəfa Tanzaniyada qaralmayıb, biləsiz. Neftçalada qaralıb, anadangəlmə.
Vəfa Nağı: Tanzaniyaya gələndə mənə bərk-bərk tapşırdılar ki, qolu qısa və şort geyinməyim. Malariya tuta bilərsən. Mən də səhər duranda hər şeydən əvvvəl əllərimə,üzümə, boynuma milçəkqovan aerozol sıxıram. 27 dərəcə isti var, qolu uzun geyinmişəm. Otelin kafesində baxıram turistlər qolu qısa, nazik, incə, qolsuz paltarlar geyiniblər. Deyirəm, bəs nə oldu bu malariya söhbəti, deyirlər çox ciddiyə alma.
Darussalamda Boltdan sifariş verdim, təxminən yarım saat yol getdim,iki manat ödədim. Qaldığım yer BƏƏ-nin səfirliyinin yanındadır. Dünən köçmüşəm, ona görə ünvanı unutdum, ünvan kimi səfirliyi yazdım. Sürücü də səfirliyin darvazasının önündə saxladı. Çatanda tez düşüb qapımı açdı, soruşdu ki, hər şey qaydasındadır? Sağollaşdım mənə əl edib, maşına minib getdi. Ümumən isə burda küçədə hər kəs bir birinə salam verir. Küçədə kofe satandan marketdə, muzeydə işləyənə qədər hamı mehriban və gülərüzdür.
Küçədə bir -iki stol və yanında kömürlə yanan ocaq. Ocağın üstündə iki çaydan var, birində qəhvə, birində zəncəfil çayı var. İnsanlar orda oturub qəhvəsini, ya çayını içib gedir. Çox cəld olur hər şey. Yəni bir fincan qəhvə içib bir saat gözləyə, ya da söhbət edə bilməz.
Darussalamda 7-ci sinfin dərsi. Müəllim “istəyirsinizsə siz də qatıla bilərsiz”dedi. Mən də svahili dilini bilmədiyim üçün qatılmadım. Cəmi iki söz bilirəm, onun da yazılışının düz olub olmadığına əmin deyiləm- manbo (salam), assante(sağ ol). Bundan başqa sözlər yadımda qalmır. Məktəblərə gəlincə qəşəng, bahalı, özəl kolleclər də var. Amma, bu dövlətin verdiyi təhsildir. Dərs bitəndən sonra şagirdlər ətrafı gəzirdi. Çağırıb şəkil çəkdirmək istədiklərini dedilər. Mən də qəbul etdim. Adətən isə burda kimlədə şəkil çəkdirmək istəyəndə icazə vermirlər.
Bu gün Boltdan taksi sifariş verdim, 5000 şiling (Tanzaniya pul vahidi) idi. Bu da Azərbaycan manatı ilə 3 manat 65 qəpik edir. Bir manat isə 1369 şilingdir. Sürücü iddia etdi ki, yol pulu onda 7 min yazıb. Mən də etiraz etdim, 5 min ödəyib düşdüm. Mobil nömrə almağa getmişdim xeyli yer gəzdim, baxdım ki, sürücü məni izləyir. Xeyli gəzdi arxamca, dözə bilmədim yaxınlaşıb polisə şikayət edəcəyimi dedim, nömrəm olmasa da guya polis nömrəsi yığırmış kimi göstərdim özümü. Bir də baxdım qaçır.
Kənd Muzeyi Tanzaniyanın beş milli muzeyindən biridir. 1967 -ci ildə qurulan muzeydə 16 müxtəlif qəbilənin günlük yaşayış üçün istifadə etdikləri alətlər və ənənəvi yaşayış evləri sərgilənir. Açıq havada yerləşən muzey şəhər mərkəzindən təqribən 9 km uzaqdadır. Muzey demək olar ki, kəndlərdəki yaşayış biçimini tam şəkildə əks etdirə bilib. Burda yemək bişirmək üçün qalanan ocaqları belə var. Bu tarixi muzeydə hətta müxtəlif qəbilələrin rəqsləri də sərgilənir.
“Nationaal Museum”da saxlanılan nəhəg balinanın sümükləridir. Balinanın çənə sümüyü də birinci mərtəbədə idi, onu çəkmədim. Amma nəhəng bir şey idi.
Meymun bu gün səhər yeməyimi stolun üstündən oğurlayıb yedi.
Yeməyənin çörəyini meymun da yeyər, Vay-Fay qız!
F.Asimqızı