Əməkdar rəssam Zaur Kantemirov 79 yaşında dünyasını dəyişib.
Bu barədə rəssamın dostu Sabir Zülfüqarov məlumat verib.
O, Z. Kantemirovun bu gün Bakıda Zığda yerləşən modul tipli xəstəxanada koronavirusdan vəfat etdiyini bildirib.
S. Zülfüqarov mərhum rəssamın koronavirusa yoluxmuş həyat yoldaşının müalicəsinin davam etdiyini də deyib.
Qeyd edək ki, Z. Kantemirov 1942-ci il avqust ayının 28-də Bakıda dünyaya gəlib. Əməkdar rəssam çoxsaylı beynəlxalq, ümumittifaq və respublika sərgilərinin iştirakçısı və mükafatçısı olub. Z. Kantemirov müstəqil Azərbaycanın ilk poçt markalarından birinin müəllifidir. Rəssam son illər şüşə materialını əsas hədəf götürərək fantastik layihələrə imza atmışdı. Bu işlərinə görə “Şüşə qəlbli” təxəllüsünü qazanmışdı.