İnsanabənzər robot Sofianı yaradan Honkonq alimləri səhiyyə sektorunda istifadə ediləcək yeni bir robot təqdim ediblər.
Qreys adlanan robot yaşlılara və ya təcrid olunmuş “COVID-19” xəstələrinə qulluq etmək üçün inkişaf etdirilib.
Qreys Asiya üz cizgilərinə və qəhvəyi saçlara sahibdir, mavi tibb bacısı forması geyinir. Sinəsində xəstənin temperaturunu ölçən termal kamera var.
Robot ingilis dilində danışa bilir.
Yeni robot barədə məlumat verən “Hanson Robotics” və “Singularity Studio”nun direktoru David Henson robotun pandemiya zamanı tibb işçilərinin işini asanlaşdıra biləcəyini bildirib.