Hollandiyanın Haaqa şəhərində 2014-cü ilin yayında, Ukrayna səmalarında “Malayziya hava yolları” şirkətinə məxsus “MH17” reysi ilə uçan “Boeng 777” təyyarəsinin vurulması ilə bağlı proses başlayıb.
Xarici agentliklər xəbər verir ki, hollandiyalı prokuror Vard Ferdinandüsse ilk çıxışında Rusiyanın təqdim etdiyi sübutları incələdiklərini açıqlayıb.
Qeyd olunur ki, Ukrayna, Avstraliya, Belçika, Malayziya və Hollandiya nümayəndələrinin daxil olduğu “Birgə təhqiqat qrupu” təyyarənin Rusiyadan Ukryana ərazisinə gətirilən və “Snejnoe” məntəqəsinə yerləşdirilən “Buk” zenit-raket kompleksi tərəfindən vurulduğu nəticəsinə gəlib.
V.Ferninandüsse sərnişin təyyarəsinin Ukryana hərbçiləri tərəfindən vurulması versiyasını da araşdırdıqlarını və bununla bağlı iddiaların əsasən Rusiya Federasiyasının təqdim etdiyi sənədlərdə əks olunduğun açıqlayıb.
“Rusiya “Buk”unun Ukrayna torpaqlarında peyda olmasının özü cinayət hadisəsidir. Ona görə də məhkəmə qarşı tərəfin Ukraynanın həmin vaxt hava məkanını bağlamalı olması iddiasını nəzərə almayacaq. Çünki hər nə olursa olsun bu sərnişin təyyarəsinə raket atılmasına görə məsuliyyəti azaltmır”,-deyə prokuror bildirib.
İttiham tərəfi bundan başqa məhkəmənin 4 əsas təqsirləndirilən şəxs olan, “Dontesk Xalq Resublikası”nın “silahlı qüvvələrinin” rəhbəri (daha doğrusu bandit qruplaşmasının başçısı) “Strelkov” ləqəbli polkovnik İqor Girkin, Rusiyaya aid kəşfiyyat qrupunun komandiri “Xmurıy” ləqəbli general-mayor Sergey Dubnitskinin, onun müavini polkovnik Oleq Pulatovun və Ukrayna vətəndaşı Leonid Xarçenkonun işlərinə baxılacağına söz verib.
Adı çəkilən şəxslərdən heç biri məhkəməyə gəlməyib. Lakin məhkəmənin sədri Hendrik Steyheys dinləmələrin onlar olmadan da davam etdiriləcəyini söyləyib.
Prosesdə sadəcə Oleq Pulatov vəkillərlə təmsil olunur. Onlardan biri, Yelena Kutyina müvəkkilinin ittihamı qəbul etmədiyini və onun təyyarə faciəsində əli olmadığını bildirib.