Ukrayna Prezidenti Volodimir Zelenski G7 liderlərindən Rusiyaya qarşı daha çox silah və hava hücumundan müdafiə sistemləri ilə təmin etməyi xahiş edib.
Bu barədə Zelenski Almaniyanın Bavariya şəhərində Elmau sarayında keçirilən G7 Liderlər Sammitində videokonfransda çıxışı zamanı danışıb.
Zelenski G7 ölkələrinin liderlərini Rusiyaya qarşı sanksiyaları artırmağa çağıraraq, onlardan Kiyevə taxıl məhsullarının ixracına kömək etməyi və Ukraynanın yenidən qurulması üçün maliyyə yardımı etməyi tələb edib.