Almaniyanın xarici işlər naziri, Annalena Berbokun əri Daniel Holeflyayş həyat yoldaşının siyasi karyerasına görə, eləcə də birgə uşaqlarına baxmaq üçün “Deutsche Post” konsernindən işdən çıxıb.
Bu barədə “Bunte” jurnalı məlumat yayıb.
Məlumatda bildirilib ki, D.Holeflyayş 2021-ci ilin iyul ayından etibarən artıq “Deutsche Post DHL Group”da işləmir, o, hazırda evdə uşaqların tərbiyəsi ilə məşğul olur.
Qeyd edək ki, sentyabrın 26-da Bundestaqa keçirilən seçkilərdən əvvəl A.Berbok hökumətin üzvü olacağı halda ərinin işləməyə davam edə bilməyəcəyini bildirmişdi.
Onu da qeyd edək ki, 41 yaşlı A.Berbok və 48 yaşlı D.Holeflyayş 2007-ci ildə ailə qurub, onların 6 və 11 yaşlarında iki qızları var.