ABŞ kəşfiyyatının Rusiyanın Ukraynanı işğal edəcəyi barədə məxfi hesabatı üzə çıxandan sonra bu gün yayılan peyk görüntülərinin hesabatı təsdiqlədiyi açıqlanıb.
Yeni yayılan görüntülər Rusiya qoşunlarının Ukrayna sərhədi yaxınlığında yeni nəhəng düşərgə qurduğunu ortaya çıxarıb.
Peyk görüntüləri Yelnya və Poqonovo yaxınlığında, Ukrayna sərhədindən 100-150 mil aralıda yeddi batalyon əsgərin yerləşdiyi azı üç düşərgənin olduğunu göstərir.
Görüntülərdə 50 rus batalyonunun olduğu görünsə də, daha 50 batalyonun sürətlə ehtiyata yığıldığı iddia edilir.
Hesabatda iddia edilib ki, hazırda Rusiyanın Ukrayna ilə sərhədində 94 min əsgərdən ibarət 50 batalyon, ehtiyatda 80-100 min əsgər var.
Ukraynanın müdafiə naziri Oleksey Reznikov isə bildirib ki, Rusiya yanvarın sonuna kimi genişmiqyaslı hərbi əməliyyat keçirməyi planlaşdırır.
ABŞ dövlət katibi Entoni Blinken hücuma məruz qalacağı təqdirdə Ukraynaya dəstəyi artırmaq üçün yaxınlıqdakı görünən mövqelərə daha çox NATO hərbçilərinin, o cümlədən, Britaniya hərbçilərinin yerləşdirilməsinə çağırıb.
