İsveçrədə “Sarco” şirkətinin Könüllü Evtanaziya Kapsulu hüquqi yoxlamadan keçərək qanuniləşib.
Bunu layihənin müəllifi və doktor Filip Nitşke açıqlayıb.
Kapsul 3D-printerdə çap edilib. Kapsul intihar etmək istəyən insan tərəfindən daxildən aktivləşdirilir. Könüllü olaraq intihar etmək istəyən insan kapsulun içində uzanır. Ona bir sıra psixoloji suallar verilir və sonra xəstə müstəqil olaraq düyməni basaraq cihazın hərəkətini aktivləşdirir. Bundan sonra kapsulun daxili boşluğu azotla doldurulur və oksigen sürətlə 21% -dən 1% -ə qədər azalır. Belə şəraitdə insan bir az yönünü itirir, eləcə də yüngül eyforiya hissi keçirə bilər. Heç bir çaxnaşma, boğulma hissi olmur. Daha sonra 30 saniyə ərzində oksigen və karbon qazının olmaması səbəbindən ölüm baş verir.
Kapsul mobildir, ona görə də istənilən otağa çatdırıla bilər.
Qeyd edək ki, 2020-ci ildə 1300-ə yaxın isveçrəli intihar xidmətlərindən yararlanıb, belə ki, evtanaziya ilə razılaşan xəstələrə natrium pentobarbital məhlulu verilir. Bundan sonra insan 2-5 dəqiqə ərzində yuxuya gedir, sonra isə dərin komaya düşərək ölür.
