Azərbaycan Dövlət Mədəniyyət və İncəsənət Universitetinin (ADMİU) nəzdində Humanitar Kollecin Məktəbəqədər və sosial iş şöbəsinin müdiri vəzifəsində çalışmış Gülnarə İsgəndərova dələduzluqda ittiham edilir.
İttihama əsasən G.İsgəndərova 2017-ci ildə qulluq mövqeyindən sui-istifadə edərək Azərbaycan Tibb Universitetinin bir neçə əməkdaşı ilə qabaqcadan əlbir olaraq ümumilikdə 21 nəfərdən Azərbaycan Dövlət Tibb Universitetində müxtəlif yardımçı vəzifələrə düzəltmək adı ilə 126 500 manat məbləğində pulu dələduzluq yolu ilə ələ keçirib. O, vətəndaşları rüşvət verməyə təhrik edib, onların universitetdə müxtəlif vəzifələrə işə düzəlmələri barədə Azərbaycan Tibb Universiteti adından saxta əmrlər hazırlayıb.
G.İsgəndərovanın qanunsuz hərəkətləri barədə Baş Prokurorluq tərəfindən cinayət işi başlanıb.