Almaniyanın Münhen şəhərində qatar stansiyası yaxınlığında bombanın partlaması nəticəsində 4 nəfər yaralanıb.
Polisin məlumatına görə, hadisə Donnersbergerbrüke stansiyası yaxınlığında tikinti işləri zamanı baş verib. Yerin altında qalan bomba partlayıb.
Münhen polisinin sözçüsü Karolin Şrott CNN-ə təsdiq edib ki, partlayışa köhnə hava bombası səbəb olub.
Partlayışın səsi bir neçə kilometr məsafədən eşidilib.
Qısa müddətdən sonra qatarlar yenidən hərəkətə başlayıb.
