Qarabağda rus sülhməramlılarının hərbi şəhərciyində “Rusiya Şöhrət Xiyabanı” yaradılıb və rus sülhməramlılarını əks etdirən heykəl qoyulub.
Xiyabanın açılışı Xankəndidə noyabrın 10-u baş tutub.
Açılış mərasimində Rusiya sülhməramlı kontingentinin ilk komandanı, hazırda isə Rusiya Silahlı Qüvvələrinin Cənub Hərbi Dairəsinin komandanının müavini general-leytenant Rüstəm Muradov və Rusiya sülhməramlı kontingentinin hazırkı komandanı general-leytenant Gennadi Anaşkin də iştirak edib.
Xiyabanın açılışı Rusiya sülhməramlılarının Qarabağda yerləşdirilməsinin birinci ildönümünə həsr olunub.
Xiyabanda Rusiyanın 10 tanınmış şəxsinin büstləri qoyulub. Bunlar Alekandr Nevski, Denis Davıdov, Mixail Lermontov, Qavril Derjavin, Aleksandr Puşkin, Nikolay Karamzin, Lev Tolstoy, Anton Çexov, Vasiliy Şukşin və Mixail Şoloxovun büstləridir.
Layihənin müəllifi heykəltəraş Mixail Serdyukovdur.
