Elə insanlar var ki, universitetə daxil olsalar da məzun ola bilməyiblər. Bəziləri isə təhsil almayıblar. Buna baxmayaraq məhz bu insanlar bu gün milyardlarla dollarlıq şirkətlərə başçılıq edirlər
Con Rokfeller
Con Rokfeller orta məktəbi bitirməyib. Lakin buna baxmayaraq o, Amerikanın ilk milyarderi olub və deyilənlərə görə, tarixə ən varlı insan kimi həkk olunub.Kasıb ailənin böyük oğlu olan Con 16 yaşından işləməli olub. O, daşıma ilə məşğul olan kiçik şirkətdən başlayıb və artıq o zaman ağlasığmaz riyaziyyat biliyi ilə digərlərindən seçilməyi bacaran Con bir neçə sahələrdə işləməli olub. Pul və təcrübə topladıqdan sonra 1870-ci ildə “STANDART OİL”adlı ilk korporasiyasını qurub. 1911-ci ildə antimonopoliya qanununu pozduğuna görə həmin şirkət parçalanıb. Belə ki, “Standart Oil” 34 şirkətə bölünüb. Qeyd edək ki, bu gün ABŞ-nın demək olar ki, neft hasil edən bütün böyük şirkətləri “STANDARD OİL”ın adı ilə bağlıdır.
Henri Ford
Henri Ford heç vaxt kollecdə oxumayıb və hətta orta məktəbin yuxarı siniflərini də bitirməyib. Amma, bu ona dünyada ən böyük avtomobil istehsalçılarından biri olan “Ford Motor Company”ni qurmağa mane olmayıb. İlk cəhdi uğurlu olmayan Henri dayanmayıb və nəhayətki onun bu inadı mükafatlandırılıb. Qeyd edək ki, avtomobillərin fasiləsiz istehsalı üçün ilk dəfə sənaye konveyerini məhz Henri Ford tətbiq edib. Bu, ona avtomobilləri daha aşağı qiymətə satmaq imkanı verib, şirkətin gəliri isə artmağa başlayıb.Bununla da çünkli satış həcmi durmadan artıb. “Time” dərgisi Fordu XX əsrin ən nüfuzlu adamlarından biri adlandırıb.
Maykl Dell
49 milyard dolların sahibi olan Maykl Dell məşhur “Dell Compyuter Corporation” şirkətinin qurucusudur. Bu şirkət nəinki ən yaxşı kompüterlərin istehsalı ilə tanınır, o, həmçinin müxtəlif serverlər, televizorlar, proqram təminatı və digər İT infrastrukturu istehsal edir. Çox maraqlıdır ki, bu nəhəng şirkətinin yaradıcısının ali təhsili yoxdur. Texas Universitetinə daxil olan Dell 1988-ci ildə valideynlərinin onun həkim olmaq arzusunu urəklərində qoyaraq oranı tərk edir. Lakin ilk dəfə 15 yaşında kompüter qarşısında oturan Maykl elə həmin gün bu cihaz tərəfindən sanki ovsunlanmışdı. 4 il boyunca kompüterin qarşısından ayrılmayan Maykl onun bütün detallarını incələyərək ilk növbədə “PCs Limited” şirkətini qurub. Bir neçə müddətdən sonra cəmi 19 yaşında 1000 dollarlıq büdcə ilə Maykl Dell ona şöhrət qətirən məhur şirkətini yaradıb.
“Bloomberg” xəbər portalının yaydığı məlumata görə, “Dünyanın ən varlı insanlar” siyahısına daxil olan Maykl Dellin adı artıq 25-ci sırada yer alıb.
Stiv Cobs
Kompüter sənayesinin daha bir dahisi və “Apple” şirkətinin rəhbəri Stiv Cobs da təhsilini bitirməyən milyonçular sırasındadır. “Apple”in gələcək yaradıcısı 1972-cu ildə Amerikanın ən bahalı özəl məktəblərinin birinə – “Rid-kollec”ə daxil olsa da, dərsə getmək əvəzinə vaxtının çoxunu şərq terapiyalarına ( yoqa ilə məşğul olub) və öz kompüter şirkətini yaratması barədə xəyallarına həsr edib. 4 il sonra bu dahi şəxsiyyət nəinki öz arzularını reallığa çevirib, həm də bəşəriyyəti yeni texnoloji cihazlarla təəccübləndirməyə nail olub. 2011-ci ildə xərçəngdən dünyasını dəyişən Stivin sərvəti 10.2 milyard dollar təşkil edib.
Riçard Branson
Riçard Branson 1950-ci 18 iyul tarixində İngiltərədə anadan olub. Ailənin tək uşağı olan Bransonun atası vəkil, anası isə rəqqasə idi. 350-dən çox şirkətin və “Virgin Group”un rəhbəri olan Riçard Branson təhsilini 16 yaşda yarımçıq qoyaraq bizneslə məşğul olmağa başlayıb. R.Branson 1970-ci ildə qurduğu şirkətin adını bir qadın dostunun tövsiyəsi ilə “Virgin” adlandırır. Riçard, həmçinin disleksiya xəstəliyindən əziyyət çəkib. Belə xəstələr ümumiyyətlə, oxuma və yazmada çətinlik çəkirlər. Lakin olduqca ağıllı olan Riçard həyatda bir çox nailiyyətlər qazanıb.
Hazırda kosmetikadan musiqiyə, təyyarədən qələmə, kitabdan şəraba kimi demək olar ki, hər sektorda xidmət göstərən “Virgin Group” bütün dünyada tanınmaqdadır. KİV-in yaydığı son məlumata görə, Riçard Bransonun sərvəti təxminən 7.9 milyard dollar təşkil edir.
Co Lyuis
Bir çox insan Co Lyuisin adını tanımaya bilər. Lakin futbol azarkeşləri onun adını yaxşı bilirlər. Çünki o, Premyer Liqa klubu “Tottenham Hotspur”un səhmlərinin əksəriyyətinə sahibdir.
İngilis əsilli sahibkar 15 yaşında təhsilini yarımçıq qoyub atası ilə ümumi qidalanma ilə məşğul olan “Tavistock Banqueting” şirkətində işləməyə başlayır. Nəhayət öz biznesini quran Co amerikalı turistlərə lüks mallar satmağa başladı. 1975-ci ildə o, nəinki “Tottenham Hotspur”un səhmlərinin böyük hissəsinin sahibi, həmçinin restoranların, kurortların, neft və sığorta şirkətlərinin hissədarı olan Co “Tavistock Group” investisiya şirkətini qurur.
O, ilk dəfə 1979-cu ildə Vest Enddə yerləşən “Hanover Grand” klubunda küllü miqdarda pul qazanır. 1980-ci və 1990-cı illərdə valyuta ticarətilə məşğul olan Co daha da zənginləşir. Hal-hazırda onun sərvəti təxminən 4.9 milyard funt sterlinqdir.
Bill Qeyts
Qəribədir amma dünyanın ən varlı insanı da ali təhsili yarıda buraxanlardandır. 84 milyard dolların sahibi olan Bill Qeyts yaxın dostu Paul Allen ilə birlikdə “Microsoftu” qurmaq üçün universiteti yarıda qoymalı olub. O, məhz “Microsoft” şirkəti sayəsində bu gün dünyanın ən varlı insanıdır.
