2012-ci ildə Yunanıstanda Afina Milli Rəsm Qalereyasından oğurlanan tablolar tapılıb.
Tanınmış ispan rəssam Pablo Pikassonun “Qadın başı” və holland rəssam Piet Mondrianın “Yel dəyirmanı” əsərləri Afina Polis İdarəsi tərəfindən Afina yaxınlığındakı Kerati bölgəsindəki bir vadiyə basqın zamanı tapılıb.
Basqın zamanı 49 yaşlı bir nəfər saxlanılıb.
Qeyd edək ki, Pablo Pikasso “Qadın başı” əsərini 1939-cu ildə çəkib. Rəssam əsəri 1949-cu ildə nasizmə qarşı mübarizəsinə görə yunan xalqına hədiyyə edib.
Oiet Mondrian isə “Yel dəyirmanı” əsərini 1905-ci ildə çəkib.
Hər iki rəsm əsəri 9 yanvar 2012-ci ildə oğurlanmışdı.