Bu gün Tarif Şurasının növbəti iclası keçirilib. İclasda Dövlət Neft Şirkətinin (SOCAR) təbii qazla bağlı müraciətinə baxılaraq qərar qəbul edilib.
Tarif Şurası üzvlərinin yekdil qərarı ilə təbii qazın illik istehlak həcminin 1200 kub metrədək (1200 kub metr daxil) olan hissəsi üçün tarif dəyişdirilməyib və hazırkı səviyyədə saxlanılıb (1 kub metr üçün 10 qəpik).
İstehlak edilən qazın 1200 – 2500 kub metr (2500 kub metr daxil) olan hissəsi üçün 1 kub metr üçün 20 qəpik, 2500 kub metrdən çox olan hissəsi üçün isə 25 qəpik müəyyənləşdirilib.
Digər sahələrdə (ticarət, xidmət və s.) rentabelli fəaliyyət təbii qazın tarifindən daha az asılı olduğu üçün tariflər 5 qəpik artırılıb.
Qərar sabahdan qüvvəyə minir.