• 14 Aprel 2024 03:31

Sevil Əliyeva: Vaqif Mustafayevi vəzifədən mən azad etmişəm”

Fev 7, 2021

“Space” telekanalının sahibi, Azərbaycanın eks prezidenti Heydər Əliyevin qızı Sevil Əliyeva rejissor Vaqif Mustafayevin bu kanalın rəhbəri vəzifəsindən uzaqlaşdırılması ilə bağlı “Haqqın az” saytına açıqlama verib.

Açıqlamada bildirilir ki, sosial mediada yayıldığı kimi Vaqif Mustafayev postunu özü tərk etməyib, təsisçinin hüququ ilə vəzifəsindən azad edilib. Xanım Əliyeva son zamanlar “Space” TV-nin fəaliyyətindən narazı və narahatlığını qeyd edib.

“Həqiqət budur ki, “Space”in fəaliyyəti, verilişlərin məzmunu son zamanlar ciddi narahatlığa səbəb olub. Mən  xaricdə yaşayıram və yalnız Bakıya səfərlərim zamanı kanalın verilişlərini izləmişəm. Ancaq etiraf etməliyəm ki, mediada yer alan çoxsaylı şikayətlər, sərt tənqidlər tamamilə haqlıdır. Son illərdə kanalın və verilişlərinin səviyyəsi həddən artıq aşağıdır. Qeyri-peşəkarlıq və keyfiyyətsizlikdən qəzəblənən izləyicilərin fikirlərini tamamilə bölüşürəm”.

S. Əliyeva bildirib ki, kanalı quran zaman belə olacağını gözləməyib“Bütün bunlar Vaqif Mustafayevin “Space”in rəhbəri vəzifəsindən istefaya göndərilməsinə səbəb oldu. Digər tərəfdən, televiziya kanallarının rəhbərlərinin özlərini prezident adlandırması məni bir qədər narahat edir. Heç bir ölkədə belə bir təcrübə yoxdur”.  Sevil Əliyeva bu qərarla ümummilli lider Heydər Əliyev haqqında bir sıra sənədli filmlər də daxil olmaqla, mükəmməl əsərlər yaratmış istedadlı sənədli film rejissoru V.Mustafayevin xidmətlərini kiçiltmədiyini qeyd edib.

“Space” kanalının rəhbəri vəzifəsinə artıq hansısa namizədin olub-olmadığı barədə suala telekanalın qurucusu həmin şəxsin artıq qərarlaşdırıldığını, tezliklə kanalın işçilərinə və ictimaiyyətə təqdim ediləcəyini bildirib.