Lənkəran rayon Məşğulluq Mərkəzinin keçmiş direktoru Rahib Quliyev 46 min manat mənimsəyib.
Baş Prokurorluğun məlumatına əsasən, keçmiş direktor R.Quliyev və digərlərinin qanunsuz əməlləri ilə əlaqədar aparılmış araşdırma nəticəsində müəyyən edilib ki, R.Quliyev Dövlət Məşğulluq Xidmətinin digər vəzifəli şəxsləri və başqaları ilə qabaqcadan əlbir olub 29 vətəndaş üçün dövlət büdcəsindən ayrılmış 145 min manatın 46 min manatını mənimsəyib.
Rahib Quliyevə Cinayət Məcəlləsinin 179.2.1 (mənimsəmə və ya israf etmə-qabaqcadan əlbir olan bir qrup şəxs tərəfindən törədildikdə), 179.2.3 (mənimsəmə və ya israf etmə-şəxs tərəfindən öz qulluq mövqeyindən istifadə etməklə törədildikdə), 179.2.4 (mənimsəmə və ya israf etmə-xeyli miqdarda ziyan vurmaqla törədildikdə) və 308.1-ci (vəzifə səlahiyyətlərindən sui-istifadə etmə) maddələri ilə ittiham elan edilərək cinayət işi baxılması üçün Lənkəran Rayon Məhkəməsinə göndərilib.