UNESCO ərəb xəttatlığını bəşəriyyətin qeyri-maddi mədəni irsi üzrə reprezentativ siyahısına daxil edib.
Bu barədə təşkilatın rəsmi saytında məlumat verilib.
Ərəb xəttatlığı hamar yazı sənəti, harmoniya və gözəllik ifadəsi kimi xarakterizə edilib.
Qeyd edək ki, Azərbaycandan UNESCO-nun adı çəkilən siyahısına 15 qeyri-maddi mədəni irs nümunəsi daxildir. Bunlar Azrbaycan muğamı, aşıq sənəti, Novruz bayramı, xalça toxuculuğu, tar ifaçılıq sənəti və onun hazırlanma ustalığı, Qadın baş örtüyü kəlağayının düzəldilməsi və geyinməsi
ənənəvi incəsənəti və onun simvolizmi, Lahıc misgərlik sənəti, lavaş, dolma, kamança, Dədə Qorqud dastan mədəniyyəti, nağılları və musiqisi, ənənəvi nar bayramı, miniatür sənəti, Qarabağ atı ilə oynanılan Çovqan atüstü oyunu, Naxçıvanın ənənəvi qrup rəqsləridir (yallı, köçəri, tənzərə).
Xatırladaq ki, UNESCO Birləşmiş Millətlər Təşkilatının (BMT) Təhsil, Elm və Mədəniyyət məsələləri üzrə Təşkilatıdır.