Norveçdə Jesperpus adlı pişiyinin davranışından şübhələnən qadın həkimə gedib və özünün xərçəng olduğunu bilib. O, erkən diaqnoz sayəsində sağalıb.
Qadın bildirib ki, evdə olmağı sevən, çölə çıxmağı xoşlamayan pişik ondan uzaqlaşmağa başlayıb. Bu davranış dəyişikliyindən sonra qadın pişiyin xəstə olduğunu düşünərək onu baytara aparıb.
Pişiyin heç bir narahatlığı çıxmayıb, ancaq həkim heyvanın qəribə davranışından şübhələndiyi üçün sahibindən bəzi analizlər verməsini istəyib.
Analizlər nəticəsində xərçəng olduğu aşkar edilən qadın əməliyyat olunub və müalicə nəticəsində həyatda qalıb.
Pişiyinin bu həssaslığından sonra pişiyinə təşəkkür etmək istəyən qadın onun üçün kitab yazıb.
Qeyd edək ki, Jesperpus adlı bu pişik dünyada 2016-cı ildə sahibi ilə xizək sürməyindən hədsiz sevinən pişik olaraq tanınmışdı.
Pişiyin haqqında daha üç kitab da var.
Məşhur pişiyi sosial şəbəkələrdə minlərlə insan izləyir.
