Mingəçevir Məşğulluq Mərkəzinin direktoru Elçin Abdullayev barəsindəki cinayət işi məhkəməyə göndərilib.
Prokurorluğun məlumatına görə, ibtidai istintaqla müəyyən edilib ki, Elçin Abdullayev Dövlət Məşğulluq Xidmətinin rəhbər vəzifəli şəxsləri və digərləri ilə qabaqcadan əlbir olaraq qurumda işsiz kimi qeydiyyata alınmış şəxslərə verilməsi üçün nəzərdə tutulmuş məhsulların alınması ilə bağlı heç bir tender və kotirovka keçirilmədən sənədləri saxtalaşdırıblar, bunu nəticəsinsə 17 nəfər işsiz vətəndaş üçün dövlət büdcəsindən ayrılmış 86 min manat məbləğində vəsaitin 61 min manat hissəsini ödəyib, qiymətləri şişirtməklə 25 min manat məbləğində dövlət vəsaitini mənimsəyiblər.
E.Abdullayevə Cinayət Məcəlləsinin 179.2.1, 179.2.3, 179.2.4 (mənimsəmə və ya israf etmə – qabaqcadan əlbir olan bir qrup şəxs tərəfindən- xeyli miqdarda ziyan vurmaqla öz qulluq mövqeyindən istifadə etməklə törədildikdə) və 308.1-ci (vəzifə səlahiyyətlərindən sui-istifadə etmə) maddələri ilə ittiham elan edilib və cinayət işi baxılması üçün Mingəçevir şəhər məhkəməsinə göndərilib.