Bu gün Bakının “28 May” metro stansiyasının qarşısındakı meydanda Gədəbəy rayon İcra Hakimiyyətinin keçmiş başçısı S.Rüstəmlinin azad edilməsi tələbi ilə etiraz aksiyası keçirilib.
Polis aksiyaya müdaxilə edib və aksiya zamanı 10 nəfər saxlanılıb.
Saxlanılanlardan aksiyanı monitorinq edən hüquq müdafiəçiləri Zaur Əkbər və Zəfər Əhmədov sonradan sərbəst buraxılsalar da, digər 8 nəfərin harada olduğu barədə məlumat verilmir.
Qeyd edək ki, Azərbaycan Xalq Cəbhəsi Partiyasının (AXCP) üzvü olan Saleh Rüstəmli 2018-ci ilin mayında həbs edilib. Məhkəmənin hökmü ilə 7 il 3 ay müddətinə azadlıqdan məhrum edilib.
Xatırladaq ki, S.Rüstəmli həbsinin qanunsuz olduğun görə bu il noyabrın 6-dan etibarən müddətsiz aclığa başlayıb. O, artıq 36 gündür aclıq edir.