ABŞ və İran arasında atəşkəsin 22-ci günündə Yaxın Şərqdə gərginlik davam edir:
- ABŞ Prezidenti Donald Trump deyib ki, İran ABŞ-dan Hörmüz boğazını açmasını istəyib.
- Trump iddia edib ki, İran ABŞ-a “çöküş vəziyyəti”ndə olduğunu deyib.
- İranın xarici işlər naziri Abbas Əraqçi Putinlə görüşüb.
- ABŞ Livana Hizbullahdan özünü qorumaq üçün kömək edəcək.
Bu və digər xəbərləri aşağıda oxuyun.
ABŞ Prezidenti Donald Trump deyib ki, İran ABŞ-dan “Hörmüz boğazını açmasını” istəyib.
Ağ Ev rəhbəri bu barədə özünün Truth Social sosial media hesabında yazıb.
“İran bizə bildirdi ki, onlar “çöküş vəziyyətində”dirlər. Onlar istəyirlər ki, tezliklə “Hörmüz boğazını açaq”, – Prezident Trump qeyd edib.
Onun bu açıqlamasına İran tərəfdən hələlik münasibət bildirilməyib.
İran rəsmisi Abbas Əraqçi Putinlə görüşüb: “Strateji tərəfdaşlığımız güclənəcək”
Şəklin mənbəyi,AFP via Getty Images
İranın xarici işlər naziri Abbas Əraqçi Rusiya Prezidenti Vladimir Putinlə görüşündə Moskva və Tehranın “strateji münasibətlərini” yüksək qiymətləndirib, Rusiyanın dövlət televiziyası (RİA) xəbər verib.
O deyib ki, “strateji tərəfdaşlığımız daha da güclənəcək”. (BBC.com)