• 29 Fevral 2024 02:48

Məcburi köçkünlərin müavinətinin dayandırılacağı vaxt açıqlandı

Yan 23, 2024

Məcburi köçkünlərə verilən vahid aylıq müavinət 3 il keçəndən sonra dayandırılacaq. Bu qərar bütün məcburi köçkünlərə şamil olunacaq. Yaşayış yerinə qayıdanlara, eləcə də qayıtmayanlara.

Bu məlumat Qaçqınların və Məcburi Köçkünlərin İşləri üzrə Dövlət Komitəsinin hazırladığı “Böyük Qayıdış” dövründə vahid aylıq müavinətin verilməsinə dair videoçarxda yer alıb.  Qeyd edilir ki, sosial müdafiə tədbirlərindən biri kimi məcburi köçkünlərə vahid aylıq müavinət ödənilir:

“Əvvəlki daimi yaşayış yerlərinə qayıtması üçün şəraitin yarandığı vaxtdan 3 il keçəndən sonra əvvəlki yaşayış yerinə geri qayıtmış və ya qayıtmamış şəxslərə vahid aylıq müavinətin verilməsi dayandırılır. Sosial müdafiə tədbirləri məcburi köçkünlərin əvvəlki yaşayış yerlərinə qayıtması üçün şəraitin yarandığı vaxtdan sonra 3 il müddətində qüvvədədir”.

 

Xatırladaq ki, müavinətin ödənişi Nazirlər Kabinetinin 2017-ci il 24 yanvar tarixli 11 nömrəli qərarı ilə tənzimlənir.