• 16 İyun 2024 07:59

Qəzzadan 8 azərbaycanlının çıxarılması planlaşdırılır

Noy 2, 2023

Qəzza zolağından 8 azərbaycanlının çıxarılması planlaşdırılır”.

Bu barədə Azərbaycan Xarici İşlər Nazirliyinin Mətbuat Xidməti İdarəsinin rəisi Ayxan Hacızadə Amerikasının Səsinə deyib.

Bu insanların kim olduğu, ora necə düşdüyü və vətəndaşlıqlarının nə olduğu bildirilmir.

Xatırladaq ki, bu gün Qəzza ilə Misir arasında yalnız bir keçid məntəqəsi Rafah qismən fəaliyyətdədir.

Lakin oktyabrın 7-də hərbi əməliyyatlar başlayandan sonra Misir bu keçid məntəqəsini bağlayıb.

Bir gün əvvəl Misir hakimiyyətinin Rafahdan yalnız xarici vətəndaşların keçməsinə razılıq verdiyi barədə məlumatlar yayılmışdı.

HƏMAS və İsrail arasında hərbi əməliyyatlar başlayandan sonra Azərbaycan və İsrail vətəndaşları da daxil olmaqla 8 azərbaycanlı həlak olub.

Hacızadə bildirib ki, Azərbaycanın İsraildəki səfirliyinin fəaliyyəti davam edir, diplomatik missiyanın fəaliyyətində ciddi məhdudiyyət yoxdur.