28 fevral axşam saatlarına olan məlumata görə, fevralın 6-da Türkiyədə baş verən dəhşətli zəlzələ nəticəsində həlak olanların sayı 45 089 nəfərə çatıb. Bu barədə Fövqəladə Hallar Agentliyinin – AFAD-ın məlumatında deyilir.
Kahramanmaraşı Pazarcık rayonunda baş verən 7.7 və Elbistanın mərkəzində baş verən 7.6 bal gücündə zəlzələlərdən sonra 11 020 afterşok baş verib.
Son məlumatlara görə, Kahramanmaraş, Gaziantep, Şanlıurfa, Diyarbakır, Adana, Adıyaman, Osmaniye, Hatay, Kilis, Malatya və Elazığdan 1 mln. 971 min nəfər təxliyə olunub.
11 şəhərdə 35 837 çadır qurulub. 10 şəhərdə konteyner şəhərciklərinin salınması davam edir, deyə AFAD bildirir.
