Həmin şəxsi polisdə də gözləyirlər…
Çərşənbə axşamı, fevralın 28-də Samara vilayət Dumasının plenar iclasında Rusiya Federasiyası Kommunist Partiyasından olan deputat Mixail Abdalkinin qulağında əriştə ilə Rusiya prezidenti Vladimir Putinin bəyanatını dinləməsi müzakirə olunub. Nəticədə rəhbərlikdən onun partiya sıralarından çıxarması tələb olunub.
Moderator.az xəbər verir ki, bu barədə Rusiya mətbuatı yazır.
Tələb müzakirə olunarkən deputatların əksəriyyəti lehinə səs verib, 11 nəfər isə bitərəf qalıb.
“İştirak edənlərin hamısı deputat həmkarlarının əməlinə mənəvi qiymət veriblər. Baş verənlərə qiymət vermək üçün hüquq-mühafizə orqanlarına, prokurorluq orqanlarına material göndərmək lazımdır”, – deyə iclasda bildiriblər.
Deputatın özü sosial şəbəkələrdə martın 1-də artıq polisdə onu gözlədiklərini bildirib.