Türkiyənin məşhur “Anadolu” agentliyinin müxbiri Burak Milli, həyat yoldaşı Ayşen Milli və qızı Eylül Lina zəlzələdə həlak olub.
“Qafqazinfo” xəbər verir ki, bu barədə “Anadolu” agentliyi məlumat yayıb.
Belə ki, ailə Hatayın İskenderun rayonundakı zəlzələ nəticəsində dağıntılar altında qalıb. Axtarış-xilasetmə qrupları və könüllülər zəlzələdən sonra onların cansız bədənini tapıblar.
Qeyd edək ki, Burak Milli bir çox xəbərlərə və fotolara imza atıb. Suriya sərhədindəki hadisələrdə də yaxından iştirak edən jurnalist 2018-ci ildə “Zeytun Budağı” hərəkatı zamanı “TB2 Bayraktar” pilotsuz uçuş aparatının tam ay qarşısında çəkilmiş fotoşəkili ilə böyük marağa səbəb olmuşdu.
