• 29 Fevral 2024 01:52

Suriyalı jurnalist: “Xəstəxana oğlum içində ikən çökməyə başladı”

Fev 9, 2023

Lina Şaikoni

BBC Dünya xidməti

Suriyada zelzele Türkiyədə zəlzələ

ŞƏKLİN MƏNBƏYİ,İSMAEL ALRIJ

Şəklin alt yazısı,İsmail Alrij ve oğlu Mustafa zəlzələdən beş dəqiqə əvvəl xəstəxanada idi.

İsmail Alrij zəlzələ başlayanda 6 yaşlı oğlu Mustafanı xəstəxanaya yerləşdirib, yenicə binadan çıxırmış.

O deyir ki, bina uçmağa başladıqda, ən pis ssenarini düşünüb və qorxub.

İsmayıl olanları WhatsApp-da səsli mesajla mənə uzun-uzun təsvir edir.

“Sonra zəlzələ daha da şiddətləndi. Elektrik təminatı kəsildi və xəstəxananın şüşədən olan girişi çatlamağa başladı. Sanki qiyamət günü idi. Oğlumu dağıntıların altından necə çıxardacağımı düşünməyə başladım”, – o danışır.

Bir dəqiqə sonra Mustafa bərkdən ağlaya-ağlaya ona tərəf qaçmağa başlayır. Qoluna taxılmış sistemi özü çıxartdığı üçün qolundan qan axırmış.

İsmayıl daha sonra nəinki öz oğluna, həm də qaranlıqda panikaya düşərək binadan çıxmağa çalışanlara kömək etməyə başlayıb, tibb bacılarını və doğum etmək üzrə olan qadını 20 dəqiqə maşınında saxlayıb və daha sonra öz ailəsinin başına nə gəldiyini öyrənmək üçün evinə tələsib.

İsmayıl evini bütov, arvadını və digər uşağını da sağ-salamat tapır.

Suriyada zəlzələ Türkiyədə zəlzələ

ŞƏKLİN MƏNBƏYİ,SURIYA AMERIKA TIBB CƏMIYYƏTI (SAMS)

Şəklin alt yazısı,Şimal-qərbi Suriyada, zəlzələ bölgəsində işləyən həkimlər hazırda ehtiyacların çox olduğunu bildirirlər.

Suriyanın şimal-qərbindəki Əl-Danada vəziyyət xaotik və ümidsizdir.

İsmayıl iki mənzilin dağıldığını görsə də, işıq və internet verilişi dayandırıldığı üçün təcili yardım çağıra bilməyib.

Bu binalarda sağ qalanların olub-olmadığını öyrənmək üçün kiminsə gəlməsi bir saat çəkib.

Suriyanın şimal-qərbində, zəlzələ bölgəsində işləyən həkimlər zəlzələdən sonra ehtiyacların çox olduğunu bildirir.

Əl-Dana müxalifətin nəzarətində olan, Türkiyə sərhədinə yaxın İdlibdə yerləşir.

Dövlət xidməti olmayan yerdə mülki müdafiə bölmələri yeganə fövqəladə hallar zabitləridir.

Lakin dağıntının miqyasının genişliyi onların hamıya kömək etmək imkanlarını məhdudlaşdırır.

7,8 bal gücündə zəlzələdən bir neçə saat sonra peşəsi jurnalist olan İsmayıl ətrafdakı vəziyyəti görmək üçün şəhəri gəzməyə başlayıb.

“Dağıntının miqyası inanılmazdır, ən çox təsirlənən yerlər əvvəllər Suriya hökuməti və ya Rusiya qüvvələri tərəfindən bombalanmış ərazilərdir”, – o deyir.

İsmayıl Suriya hökumətinin nəzarətində olan Hələbin şimalında yerləşən Atarebdə onlarla mənzilin dağıldığını görüb.

“Bir çox binalar və məhəllələr var ki, axtarış-xilasetmə qrupları avadanlıq çatışmazlığı səbəbindən ora gedib çata bilmir. Bizim beynəlxalq təşkilatların köməyinə həqiqətən ehtiyacımız var”, – İsmayıl vurğulayır.

Suriyada zəlzələ Türkiyə Türkiyədə zəlzələ Kahramanmaraşda zəlzələ Qaziantepde zelzele Recep Tayyip Erdoğan Süleyman Soylu

ŞƏKLİN MƏNBƏYİ,USAME SALLOUM

Şəklin alt yazısı,Mütəxəssis Usame Salloum “Ölümün yaxınlaşdığını hiss etdim” deyir.

Artıq Suriyada fəaliyyət göstərən belə qruplardan biri də ölkənin şimal-qərbində müxalifətin nəzarətində olan xəstəxanalara dəstək verən Suriya Amerika Tibb Cəmiyyətidir (SAMS).

Atarebdəki SAMS xəstəxanasına çağırılan Usama Salloum izah edir ki, zəlzələnin ilk bir neçə saniyəsində o, nə baş verdiyini anlamayıb.

“Ölümün yaxınlaşdığını hiss etdim. Mən binaların çökdüyünü və qayaların uçduğunu eşitdim”, – o deyir.

Xəstəxanadan çıxarkən 53 nəfərin öldüyünü görən Salloum sonradan ölü sayının 120-yə yüksəldiyini, yaralıları isə saya bilmədiyini deyir.

Zəlzələ ölkənin şimalında, hökumətin nəzarətində olan bölgələrdə də dağıntıya səbəb olub.

Aya zəlzələ vaxtı Lazkiyə şəhərində yaşayan ailəsini ziyarətə gedibmiş.

26 yaşlı Aya elektrik enerjisi verilişi dayandığı vaxt anası və üç bacı-qardaşı ilə yatıbmış.

“Yataqdan qalxdım, ancaq nə üçün oyandığımı bilmədim. Nə baş verdiyini, ailəmin digər üzvlərinin də oyandığını gördükdə anladım”, – o deyir.

Zəlzələnin şiddətinə görə yerimizdən tərpənə bilmədik. Olduğumuz yerdə qaldıq”, – o, düşdükləri vəziyyəti izah edir.

“Şoka düşmüşdüm və hərəkət edə bilmirdim. Divarların necə silkələndiyini, irəli-geri hərəkət etdiyini gördüm. Vəziyyətin necə vahiməli olduğunu sizə təsvir edə bilmirəm”, – Aya deyir. (BBC.com)