İyunun 29-dan Bakıda müxtəlif yerlərdə İnternetə pulsuz çıxışı təmin edən “İctimai Wi-Fi” sistemi üzrə xidmət dayandırılıb. Daha çox tələbatın olduğu ərazilər istisna ediləcək.
“Aztelekom” məhdud məsuliyyətli cəmiyyətin məlumatənda deyilir ki, qərar “Bakı Telefon Rabitəsi” məhdud məsuliyyətli cəmiyyətin xidmətlərinin optimallaşdırılması məqsədilə aparılan monitorinqlər əsasında qəbul edilib.
Pulsuz İnternetə çıxış əsasən aşağıdakı ərazilərdə dayandırılıb: “Qış parkı”, “İçərişəhər” Dövlət Tarix Memarlıq Qoruğu, Sabir bağı, Xaqani bağı, Axundov bağı, “Zabitlər” parkı, Hüseyn Cavid parkı, İzmir parkı, “Sahil” bağı, Səməd Vurğun bağı, “Muğan” bağı, “Fashion Avenue” küçəsinin ərazisi, Dədə Qorqud parkı, Beynəlxalq avtovağzalın peronu.
Eyni zamanda, aşağıda qeyd edilən ərazilərdə “İctimai Wi-Fi” xidmətinin fəaliyyətinin daha da təkmilləşdirilməsi nəzərdə tutulur:
Dənizkənarı Milli Park (Köhnə bulvar, “Ağ şəhər” bulvarı əraziləri daxil olmaqla), Dövlət Bayrağı Meydanı, Heydər Əliyev Mərkəzi Parkı.