Bu gün saat 16.30 radələrində Şəki şəhəri, Mustafabəyov İstirahət Mərkəzində, dağlıq ərazidə içərisində 25 nəfərə yaxın turist olan “İsuzu” markalı avtobus aşıb.
Eyyar Əhmədovun idarə etdiyi 20 AY 305 dövlət nömrə nişanlı avtobusun idarəetmədən çıxaraq dərəyə aşması nəticəsində Samux rayon sakinləri olan 16 nəfər şagird və 6 nəfər müəllim yaralanıb.
TƏBİB-dən məlumat verilib ki, xəsarət alanların hamısı Şəki Rayon Mərkəzi Xəstəxanasına aparılıb.
Məlumatda bildirilir ki, yaralananlardan 10 nəfərə ilkin zəruri tibbi yardım göstərilərək evə buraxılıb. 1 nəfərə isə bel nahiyəsinin küt travması, ll bel fəqərəsinin sınığı dizaqnozu qoyulub,hazırda müayinəsi davam etdirilir.