Müdafiə Nazirliyinin N saylı hərbi hissəsinin həqiqi hərbi xidmət hərbi qulluqçusu, əsgər Abdullazadə Səid Məzahir oğlu avtomat silahdan atəş açmaqla özünə qəsd edib.
Bu barədə Hərbi Prokurorluq məlumat yayıb.
Məlumatda bildirilir ki, Kəlbəcər hərbi prokurorluğunun əməkdaşları tərəfindən hadisə yerinə və meyitə baxış keçirilib, iş üçün əhəmiyyət kəsb edən predmetlər maddi sübut kimi götürülüb, izahatlar alınıb və digər təxirəsalınmaz zəruri istintaq hərəkətləri həyata keçirilib.
Fakt üzrə Kəlbəcər hərbi prokurorluğunda Azərbaycan Respublikası Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanılıb.