Mayın 24-ü ABŞ-ın Texas ştatının Yuvalde şəhərində ibtidai məktəbdə atışma nəticəsində həlak olan 2 müəllimdən biri – İrma Qarsiyanın ailəsinə daha bir faciə üz verib.
İrma Qarsiyanın həyat yoldaşı Co Qarsiya xanımının vəfatına dözməyərək ürəktutmadan dünyasını dəyişib.
Bu barədə məlumatı cütlüyün qohumlarından biri sosial şəbəkədə paylaşıb. Bildirilib ki, Co Qarsiya mayın 26-sı faciə qurbanları üçün təşkil edilən memorialı ziyarət edib. O, evə geri döndükdə dünyasını dəyişib.
Co və İrma Qarsiya 24 il evli olub, onların 4 övladı var.
Qeyd edək ki, ibtidai məktəbdə atışma nəticəsində 18 şagird və 2 müəllim həlak olub.