Cümə axşamı günorta Bakının Nərimanov rayonunda metronun “Ulduz” stansiyasının yaxınlığında yerləşən plastmas istehsalı sexində baş vermiş yanğın Fövqəladə Hallar Nazirliyinin bölmələri tərəfindən söndürülüb.
Fövqəladə Hallar Nazirliyi bildirib ki, yanğın nəticəsində ümumi sahəsi təxminən 28 min kvadrat metr olan sex və anbarın 900-1000 kvadrat metr hissəsi yanıb.
Obyektin böyük hissəsi yanğından mühafizə olunub.
Yanğın zamanı FHN-in Dövlət Yanğından Mühafizə Xidmətinin 2 nəfər əməkdaşı yüngül xəsarət alıb.
