Maltalı 43 yaşlı qadın deputat Roberta Metsola Avropa Parlamentinin sədri seçilib.
Bu barədə TASS məlumat verib.
R.Metsola səsvermədə iştirak edən 616 deputatın 458-nin səsini qazanıb.
Qeyd edək ki, Roberta Metsola ölkəsinin Milliyətçi Partiyasının üzvüdür. O, indiyə qədər sədr seçilən ən gənc siyasətçi, bu vəzifəni tutan üçüncü qadındır. Metsola bundan öncə Avropa Parlamentinin Birinci vitse-prezidenti olub (2020-2022). 2013-cü ildən Avropa Parlamentinin deputatı, Avropa Xalq Partiyasının (Avropa Parlamentindəki Xristian Demokratik qrupu) fraksiyasının üzvüdür.
18 yanvar 1979-cu ildə doğulmuş R.Metsola yanvarın 18-də Avropa Parlamentinin sədri seçilib.