Böyük Britaniya kraliçası II Yelizavetanın zorlamada ittiham olunan oğlu, York hersoqu, şahzadə Endryu hərbi rütbələrdən və kral himayəsindən məhrum edilib.
Bu barədə Bukingem sarayının mətbuat xidməti məlumat yayıb.
“Kraliçanın təsdiqi və razılığı ilə York hersoqunun fəxri hərbi rütbələri və kral himayələri kraliçaya qaytarılıb. York hersoqu heç bir ictimai vəzifə yerinə yetirməyəcək və bu məsələdə adi şəxs kimi özünü müdafiə edəcək”.
Qeyd edək ki, hüquq müdafiəçisi Virciniya Cuffre Manhetten Federal Məhkəməsində şahzadəyə qarşı iddia qaldırıb. O, 17 yaşında olarkən şahzadə Endryunun ona təcavüz etdiyini bildirib.