Keçmiş nişanlısı tərəfindən öldürülən Dilara Yıldızın vəsiyyətnaməsi üzə çıxıb.
Türkiyənin Tuzla bölgəsində keçmiş nişanlısı Oktay Dönmez tərəfindən getdikləri restoranda öldürülən vəkil Dilara Yıldızın cinayətdən bir müddət əvvəl dostuna vəsiyyət etdiyi məlum olub.
Yıldız vəkil dostuna “Əgər mənə bir şey olsa, sənədlərimə siz sahib çıxın” deyib.
Gənc vəkil üçün dünən İstanbul Vəkillər Kollegiyası önündə anım proqramı təşkil edilib. Anım mərasiminə Dilara Yıldızın anası Elvan Yıldız, bacısı Merve Yıldız ilə İstanbul Vəkillər Kollegiyasının başçısı Mehmet Durakoğlu, vəkillər, dostları və vətəndaşlar qatılıb.
Vida mərasimində D.Yıldızın ağlayaraq danışan anası Elvan Yıldız “acım da, hirsim də çox böyükdür. Ən böyük cəzanı alıb, həbsxanadan çıxmamasını istəyirəm” deyərək fəryad edib.
