Vətən müharibəsi şəhidi Yusif Nəcəfovun atası Nadir Nəcəfov vəfat edib.
Bu barədə şəhidin qardaşı Emin Nəcəfov məlumat verib. O bildirib ki, 50 yaşlı atası ötən gün insult keçirərək vəfat edib.
Mərhum N.Nəcəfov Yasamal qəbiristanlığında torpağa tapşırılıb.
Nadir Nəcəfovun Yusifdən başqa, bir oğlu və bir qızı var.
Qeyd edək ki, şəhid Yusif Nəcəfov 2001-ci ilin oktyabrın 14-də Bakıda doğulub. 2021-c ilin oktyabrın 13-də Murovdağ istiqamətində gedən döyüşlərdə şəhid olub və doğulduğu gün torpağa tapşırılıb. Vətən müharibəsində göstərdiyi şücaətə görə “Vətən uğrunda” medalı ilə təltif edilib.
