Sosial şəbəkələrdə yanvarın 4-də Bakıda qətlə yetirilən “Lider” televiziyasının texniki işçisi Nahidə Həsənovanın doğranmış cəsədinin dəhşətli videogörüntüləri yayılıb.
Görüntülərdə qadının başının bədənindən ayrıldığı, qollarının isə kəsilmiş olduğu görünür. Bununla onu əri Orxan Alıyevin vəhşicəsinə öldürdüyü məlum olub.
Xüsusi amansızlıqla qətl törətmiş Orxan Alıyev Nahidə Həsənovanın xalası oğlu olub. Onlar ailə qurduqdan bir müddət sonra dəfələrlə mübahisələr etdikləri üçün sonda qeyri-rəsmi olaraq ayrılıblar. Lakin ailə üzvlərinin xahişi ilə barışsalar da, barışıq sonda qətllə yekunlaşıb.
Hadisə ilə bağlı Baş Prokurorluğun istintaq idarəsi öncə Cinayət Məcəlləsinin 120.1-ci (qəsdən adam öldürmə) maddəsilə cinayət işi başlasa da, sonradan qətlin dəhşətli məqamları üzə çıxıb və Nahidə Həsənova doğranaraq öldürüldüyü üçün cinayət işi daha ağır maddəyə 120.2.4-cü (xüsusi amansızlıqla qəsdən adam öldürmə) maddəyə tövsif edilib.
Orxan Alıyevi Cinayət Məcəlləsinin 120.1-ci maddəsi ilə 9 ildən 14 ilədək həbs cəzası gözləyirdisə, indi Cinayət Məcəlləsinin 120.2.4-cü maddəsi ilə 14 ildən 20 ilədək azadlıqdan məhrum edilə bilər.