Əməkdar artist Novruz Qartal vəfat etdi.
Bu barədə aktyor Əjdər Dadaşov məlumat paylaşıb.
Xatırladaq ki, əməkdar artist bağırsaq xərçəngindən əziyyət çəkirdi.
Qeyd edək ki, Əliyev Novruz Yaqub oğlu 1947-ci ildə anadan olub. M.Əliyev adına Azərbaycan Dövlət İncəsənət İnstitutunun aktyorluq fakültəsini bitirib. 1967-ci ildən Azərbaycan Dövlət Musiqili Komediya Teatrında çalışırdı.
“Toy kimindir”də Qoşun, “Durna”da Dursun, “Hicran”da Balaəmi, “Lənət şeytana”da İsrafil, “Özümüz bilərik”də İbişov, “Milyonçunun dilənçi oğlu”nda xidmətçi, “Sevindik qız axtarır”da tələbə, “Nənəmin şahlıq quşu”nda Qədim Qədimoviç kimi rolları ifa edib.
25 iyun 2013-cü ildə Azərbaycanın əməkdar artisti fəxri adına layiq görülüb.
4 dəfə Prezident Mükafatına layiq görülüb.