Qırğızıstanın hərbi qulluqçuları Kollektiv Təhlükəsizlik Müqaviləsi Təşkilatının (KTMT) sülhməramlı missiyası qismində Qazaxıstana uçublar.
Bu barədə Qırğızıstanın Müdafiə Nazirliyi məlumat yayıb.
Məlumatda bildirilib ki, Qırğızıstanın Kant şəhərindən Qazaxıstana 150 hərbi qulluqçu və 19 texnika göndərilib. Onların daşınması üçün iki təyyarədən istifadə edilib.
Qeyd edək ki, bu gün Qırğızıstan parlamenti qırğız sülhməramlıların KTMT vasitəsilə Qazaxıstana göndərilməsini təsdiqləyib, ardınca da ölkə başçısı Sooronbay Jeenbekov hərbi qulluqçuların göndərilməsi haqqında fərman imzalayıb.
Xatırladaq ki, Qazaxıstanda maye qazın ikiqat bahalaşmasına görə yanvarın 2-dən başlayan aksiyaları dağıtmaqda kömək etmək üçün dövlət başçısı ölkənin də üzv olduğu KTMT-yə müraciət edib. Bundan sonra KTMT-ya üzv olan Rusiya, Belarus, Ermənistan və Tacikistan Qazaxıstana sülhməramlılarını göndərib.