Ötən il Azərbaycanda uşaqlara qoyulan qəribə adlar məlum olub.
Həmişəkindən fərqli olaraq 2021-ci ildə uşaqlara qeyri-adi adlar verilməsi geniş yayılmasa da, belə hallara rast gəlinib.
Ötən il doğulan uşaqlara verilən adlardan Ayda, Əhmədov, Aydəs, Balış, Diliş, Dərdayıl, Doğru, Dəftər, Gil, Şərbala, Koroğlu, Həci, Qəribə, Gilə və Dua adlarına rast gəlinib.
Son 5 ildə isə Azərbaycanda doğulan 8 körpəyə Nursultan adı verilib.
Qeyd edək ki, Nursultan adı hazırda dünyanın diqqət kəsildiyi Qazaxıstan Respublikasının ilk prezidenti Nursultan Nazarbayevin adıdır. Bu ad Mərkəzi Asiyada daha məşhurdur.