Qazaxıstanda maye qazın bahalaşmasından sonra keçirilən etiraz aksiyaları davam edir.
Qazaxıstanın yerli teleqram kanallarının məlumatına əsasən, Aqtöbe şəhərində polis əməkdaşları aksiya iştirakçılarının tərəfinə keçib. Onlar aksiyanı dağıtmağı dayandırıblar. Polis əməkdaşları xalqın yanında olduqlarını və xalqa əl qaldırmayacaqlarını bildiriblər.
Avtobus sürücüləri də aksiyaya qoşulublar. Onlar küçələri nəqliyyat vasitələri ilə bağlayıblar.
“Протесты в мире” (Dünyada etirazlar) kanalının məlumatına görə, etirazçılar Almatı vilayətinin hökumət binasını ələ keçiriblər.