Niderlandda yeni hökumətin tərkibində iki türkəsilli qadın yer alacaq.
VİP Media.info “Hürriyet”ə istinadən xəbər verir ki, onlardan biri Liberal sağçı, Azadlıq və Demokratiya Partiyasından (VVD) millət vəkili Dilan Yeşilgöz Zegerius, digəri isə “Demokratlar 66” Partiyasının (D66) üzvü Günay Usludur.
D.Yeşilgöz təhlükəsizlik və ədliyyə naziri, G.Uslu isə mədəniyyət və mediadan məsul dövlət naziri olacaq.
Qeyd edək ki, 1977-ci ildə Dilan Yeşilgöz Ankarada doğulub. O, Niderland parlamentində Türkiyəyə qarşı düşmənçilik nümayiş etdirməsi ilə tanınır. 2018-ci ildə Niderlandda qondarma “erməni soyqırımı”nı tanıyan 5 türk əsilli deputatdan biridir.
Onun atası Yücel Yeşilgözün “PKK” terror təşkilatı ilə əlaqəsi ortaya çıxdıqdan sonra Dilan Yeşilgöz 1984-cü ildə Türkiyədən Niderlanda qaçıb.
D.Yeşilgöz 2014-cü ildə həkim Rene Zegerius ilə ailə həyatı qurub. O, holland və ingilis dillərini, kürdcəni bilir.