Əhalinin azalması problemini həll etməyə çalışan Çin bu ilin əvvəlində üç uşağa icazə verən qanun dəyişikliyini qəbul edəndən sonra daha bir addım atıb.
Belə ki, əhali azalmasının ən çox hiss olunduğu ölkənin Jilin əyaləti əhalisini artırmaq üçün uşaqları olan evli cütlüklərə 200 min yuan (təxminən 31 min dollar) kredit veriləcəyini bildirib.
İki və üç uşaq sahibi olan cütlüklərin maddi kiçik şirkət qurduqları halda bir sıra güzəştlərdən yararlanacağı və əlavə dəyər vergisindən azad ediləcəyi də bildirilib.
Qeyd edək ki, ölkənin şimal-şərq hissəsi əhali azalmasının ən çox hiss olunduğu bölgələrdən biridir. Bu bölgədəki Jilin əyaləti ilə yanaşı, Liaoning və Heilongjiang əyalətlərdinə cütlüklər ailə həyatı qurmağı gecikdirirlər. Buna görə əvvəlki illərlə müqayisədə adı çəkilən əyalətlərdə əhalinin sayı 10,3 faiz azalıb.