Birləşmiş Millətlər Təşkilatının (BMT) Baş Assambleyasının sədri Abdullah Şahid koronavirusa yoluxub.
Bu barədə BMT Baş Assambleyasının rəhbərinin rəsmi nümayəndəsi Polina Kubiyak məlumat verib.
O, bildirib ki, A.Şahidin koronavirus testi pozitiv çıxıb. Sədrdə koronavirusun yüngül simptomları müşahidə edilir və o, həkimlərin məsləhəti ilə özünü təcrid edib.
Qeyd edək ki, A.Şahid ötən həftə koronavirusa qarşı buster doza (üçüncü peyvənd dozası) vaksin vurdurub.
Onu da qeyd edək ki, Abdulla Şahid 2018-ci ildən Maldiv adalarının Xarici İşlər naziridir. O, BMT Baş Assambleyasının sədridir. A.Şahid Baş Assambleyanın sədri olan ilk Maldiv siyasətçisidir.