Narkotik vasitənin təsiri altında qəza törədərək 4 avtomobilə xəsarət yetirən Cəlilabad rayon sakini Elvin Hüseynov inzibati qaydada həbs edilib.
DİN Mətbuat Xidmətinin Lənkəran regional qrupunun məlumatına görə, E.Hüseynov sürücülük vəsiqəsi və etibarnamə olmadan idarə etdiyi tanışına məxsus “VAZ- 2105” markalı avtomobillə Cəlilabad şəhəri ərazisində yol nəqliyyat hadisəsi törədib. Nəticədə özünün də idarə etdiyi avtomobil daxil olmaqla “VAZ 21154”, “VAZ 21063” və “Mercedes-Benz” markalı 3 avtomobilə ziyan vurub.
E.Hüseynov tibbi müayinədən keçirildikdə onun narkotik vasitədən istifadə etdiyi məlum olub.
Onun barəsində toplanmış materiallar hüquqi qiymət verilməsi üçün Cəlilabad Rayon Məhkəməsinə göndərilib. Məhkəmənin qərarı ilə E.Hüseynov 30 gün müddətində inzibati qaydada həbs olunub.