Moldovanın keçmiş prezidenti İqor Dodon ifadə vermək üçün dekabrın 27-də ölkənin Baş Prokurorluğuna çağırılıb.
Keçmiş prezident dövlət vəsaitlərinin mənimsəmədə şübhəli bilinir.
İstintaqın məlumatına görə, 2008-ci ilin əvvəlində Moldovanı elektrik enerjisi ilə təmin edən “Enerqokom”un rəhbərliyi İqtisadiyyat Nazirliyinin, Milli Enerji Tənzimləmə Agentliyinin əməkdaşları və xaricdən gələn bir sıra şəxslərlə müqavilə bağlayaraq birlikdə işin iştirakçılarına elektrik enerjisinin alış qiymətini əsassız olaraq artırmağa və fərqi mənimsəməyə imkan verən sxem həyata keçiriblər.
Bu sxemdən dövlətə dəyən ilkin ziyan təxminən 12 milyon dollar dəyərində qiymətləndirilir.
Qeyd edək ki, İqor Dodin 23 dekabr 2016-cı ildən 24 dekabr 2020-ci ilə kimi Moldova Respublikasının prezidenti olub.
Ölkənin hazırki prezidenti Maya Sandudur.