“İstismara veriləndən indiyədək “Azəri-Çıraq-Günəşli” neft-qaz yataqlarından 545 milyon tona yaxın neft çıxarılıb”.
Bunu energetika naziri Pərviz Şahbazov “Azərbaycanın inkişaf modeli: Dünən, bu gün və sabah” mövzusunda keçirilən konfransda deyib.
Qeyd edək ki, “Azəri-Çıraq-Günəşli” Xəzərin Azərbaycan sektorunda ən iri neft yatağıdır. Bakıdan təxminən 120 km şərqdə yerləşən yataq Azərbaycan Beynəlxalq Əməliyyat Şirkәti (ABƏŞ) adından BP şirkəti tərəfindən işlənir. Neft yatağı Fasilə və Balaxanı adlanan iki əsas lay dəstindən ibarətdir. Nefta yatağında hasilat 1997-ci ilin noyabr ayında başlayıb. Hasilatçılar Azərbaycanının SOCAR, ABŞ-ın ExxonMobil və Devon Energy, Böyük Britaniyanın BP, Chevron və ONGC Videsh Ltd., Yaponiyanın INPEX və Itochu, Türkiyənin TPAO, Norveçin Statoil neft-qaz şirkətləridir.